(England) 03 Dis 2017. Jose Mourinho ayaa sheegay in Paul Pogba uu u careysan yahay oo uu xarash u hayo daafaca Arsenal oo ay wadaagaan dhalashada xulka Faransiiska Koscielny kaddib markii uu ka qeyb qaatay Roosihii loo taagay xalay.
Xiddiga qadka dhexe ee Man United ayaa door muhiim ah ka ciyaaray dheeshii xalay ay kooxdiisu 3-1 uga adkaatay Arsenal.
Pogba oo isagu dhiibay labadii gool ay dhaliyeen Antonio Valencia iyo Jesse Lingard ayaa ka maqnaan doona Red Devils saddexda kulan ee soo socota oo uu ka mid yahay kulanka usbuuca soo socda ee Derby Manchester ay ku wajahayaan hogaamiyayaasha Man City.
Garsoore Andre Marriner ayaa garoonka ka saary laacibkii hore ee Juventus kaddib markii uu ku istaagay Hector Bellerin mar ay ciyaartu ka harsanayd 15-daqiiqo, laakiin Mourinho ayaa sheeganaya in Pogba uu ka niyad jabsan yahay xiddiga ay dhalashada wadaagaan ee Koscielny kaa oo u muuqday inuu isku dayayo inuu saameyn ku yeesho go’aanka Garsooraha.
“Ma arkin,” Jose ayaa sidaa yiri mar wax laga waydiiyay qaladkii uu Roosaha ku qaatay Pogba.
“Xitaa dhankaas ma fiirineyn welina TV-ga kama daawan, waxaan ogahay uun inuu careysan yahay Pogba oo uu yare ka niyad jabsan yahay Koscielny. Kaddib fal celinta ceynkan uu muujiyay.
“Laakiin Pogba aad ayuu u careysan yahay maxaa yeelay qofkasta wuu ogyahay in Pogba uu yahay ciyaaryahan nadiif ah uuna lahayn u jeed uu ugu dhawaado kaarka cas.”.
Gool FM.