(Abu Dhabi) 15 Dis 2017. Kabtanka Real Madrid ayaa berito la soo shir tagi doona Kobo cusub marka ay Final ka koobka kooxaha Adduunka ku wajahayaan Gremio.

Ramos ayaa kulanka u noqon doona Finalkii 12-aad oo xiriir ah uu ka soo muuqanayo Real Madrid tan iyo 2014, Finalkii Copa del Ray ay Los Blancos 2-1 uga adkaatay Barcelona.

Koobaha Cusub ee Kabtanka ayaa waxaa ku qoran SR oo laga soo gaabiyay Sergio Ramos iyo Lambarkiisa 4-aad.

DAAWO Kobaha cusub uu Ramos soo xiran doono Final ka Club World Cup:

Gool FM.

(Muqdisho) 15 Dis 2017. Kooxda xafidaneysa Koobka Maamul Goboleedyada Soomaaliya ee Puntland ayaa si dirqi ah ugu soo baxday wareega afar dhammaadka kaddib markii ay bar baro 1-1 la gashay Koofur Galbeed.

Qeybtii hore ee dheesha ayaa lagu kala nastay 1-0 ay ku hogaamineyso Koofur Galbeed.

Balse dadaal xoogan ay sameysay Puntland qeybtii labaad ee ciyaarta ayay la timid goolka bar baraha taa oo u suuro galiyay inay ugu soo gudbaan Semi Final ka tartanka.

Koofur Galbeed ayaa kaalinta koowad uga soo baxday Group ka B, halka ay Puntland ku soo baxday Labaad waxaana isaga haray tartanka Hirshabeele.

Faah-faahinta kulanka iyo waliba Sawirro xul ah goor dhow la soco insha’alaah.

Gool FM.

(Europe) 15 Dis 2017. Waa ma dhammaato dooda ah kee wacan Ronaldo iyo Messi oo hadba qofbaa dhinac u jiida.

Markan waxaa ka hadlay qof aan sheekadan looga baran waana ninka ku caanka ah ciyaaraha WWE ama waxaad u taqaanaan Musaaricada ee John Cena.

Labada xiddig ayaa iminka wada heysta min 5-jeer abaal marinta Ballon d’Or kaddib markii uu Ronaldo sanadkan ku guuleystay Kubbada Dahabka.

“Haddii ay noqoto inaan magacaabo qaar ka mid ah xiddigaha caanka ah ee kubbada cagta, waxaan ka bilaabi lahaa kuna dhammeyn lahaa Cristiano Ronaldo.” John Cena ayaa sidaa yiri mar uu u waramayay Khabiirka caanka ah ee Mark Lawrenson ee u howl gala BBC.

Sidoo kale musaariciistaha ayaa sheegay inuusan weligii Live u daawan kulan Premier League ah.

“Tottenham ayaa ciyaareysay isla habeenkii aan London ku lahaa dhacdada WWE. Laakiin waxaan awood u yeeshay inaan aado oo arko Garoonka, Nasiib ayaana ku lahaa inaan ku dhex lugeeyo garoonka.”.

Gool FM.

(England) 16 Dis 2017. Man City ayaa u hanqal taageysa guushii 16-aad oo xiriir ah Premier League si ay kor ugu sii qaato Rikoodhkeeda kooxda gaartay guulihii ugu badnaa ee is xiga.

Wararka Labada dhinac:

Manchester City ayay u badan tahay inay dib ugu yeerto Leroy Sane iyo Kyle Walker,  iyadoo daafaca reer England uu markiisii ugu horreysay tartan rasmi ah ka hor iman doono kooxdiisii hore.

Daafacyada Vincent Kompany, John Stones iyo Benjamin Mendy ayaa dhaawac ku wada maqan.

Daafaca dhexe ee Tottenham Davinson Sanchez ayaa dhammeystiranaya saddex kulan oo ganaax ah.

Dele Alli iyo Mousa Dembele ayaa la arkaa inay dib u soo laabtaan kaddib markii la nasiyay kulankii dhawaa halka Ben Davies iyo Kieran Trippier laga yaabo inay kulanka ka soo muuqdaan waa haddii ay Spurs sii wado isku shaandheynta ciyaartoydeeda.

Ogeysiiska Ciyaarta:

Kulanka: Man City vs Tottenham (Premier League)

Goobta: Etihad Stadium

Goorta: 8:30 Habeenimo

Garsoorka: Craig Pawson (England)

Kulamada Waji ka Wajiga:

Man City ayaa guul gaarin 4-kulan ay Premier League ku wajahday Spurs (3-guul daro iyo Bar baro) tan iyo afar kulan oo xiriir ah ay ka gaartay intii u dhexeysay November 2013 ilaa May 2015.

Tottenham ayaa guuleysatay 10 kulan oo Premier League ay bannaanka kula soo ciyaartay Manchester City waa in ka badan inta ay ka gaartay koox kasta oo kale.

Xaqiiqooyinka Kulanka:

Rikoodhka 15-ka guulo oo xiriirka ah ay Man City ka sameysay Premier Leauge ayaa kaalinta saddexaad ugu jirta waayaha Guardiola maadaama uu Barcelona ku soo gaaray 16-kulan oo guulo xriiir ah 2010-11 halka uu Bayern Munich ku soo gaaray 19 guul oo xiriir ah 2013-14.

Man City ayaa dhalineysay goolka guusha 83-daqiiqo ama waxa ka dambeeya kulan kasta oo ka mid ah saddexdii kulan ee ugu dambeysay horyaalka iyo Cup ay garoonkeeda ku ciyaareysay.

Sergio Aguero ayaa hal gool uun u jira goolkiisii 100-aad uu Etihad Stadium ku dhaliyo dhammaan tartamada. Wuxuu soo dhaliyay 99-gool 133 kulan uu ku ciyaaray garoonkooda.

Aguero ayaa dhaliyay 35 jeer 52 kulan oo Premier League ka hor yimid lixda koox ee ugu waa wayn, iyadoo goolasha uu dhaliyay ay matalayaan 29% 119-ka gool ay Man City dhalisay kulamadaasi waa wayn.

David Silva ayaa afar gool dhaliyay saddexdii kulan ee ugu dambeysay, isagoo goolashiisa sare ugu qaaday ilaa 8-gool sanadkan Premier League.

Tottenham ayaan guul gaarin kulamada Bannaanka ee Premier League tan iyo markii ay garaaceen Huddersfield bishii September, hal dhibic oo qura ayay ka heleen afar kulan.

Intii uu xilka u hayay Mauricio Pochettino, Spurs ayaa guul gaartay hal kulan oo qura 17-kulan ay bannaanka kula ciyaaartay 6-da koox ee waa wayn Premier League (10-guul darro iyo 6 bar baro) guusha kaliya waxay ka gaareen Manchester City February 2016.

Harry Kane ayaa dhaliyay todobo gool Premier League todobo kulan uu bannaanka ku soo ciyaaray kal ciyaareedkan.

Kane ayaa dhaliyay sanadka 2017.  33-gool 33-kulan, saddex gool ayuu u jiraa inuu bar bareeyo Rikoodhkii Alan Shearer uu 36-da gool ku dhaliyay sanadkii 1995.

Safafka laga yaabo inay ku soo galaan Man City vs Tottenham:

Gool FM.

(England) 16 Dis 2017. Blues ayaa beydkeeda ku soo dhaweynaysa Southampton iyadoo maanka ku heysa guul ay ka gaarto ay u sii dhaweyn doonto Man United.

Wararka Labada dhinac:

Chelsea ayaa soo dhaweynaysa gool dhaliyaheeda ugu sarreeya ee Alvaro Morata kaa oo daal iyo dhibaato dhabarka ah ku seegay guushii dhaweyd ay ka gaareen Huddersfield.

David Luiz ayaa weli ku jira soo kabsashadiisa dhaawac jilibka ah wuuna ka maqnaan doonaa safka kooxda.

Tababaraha Southampton  Mauricio Pellegrino ayaa heysta shax dhammeystiran.

Nathan Redmond iyo James Ward-Prowse ayaa dib loogu yeeri karaa kaddib markii safka hore laga cunay kulankii dhawaa ay guul darada kala kulmeen Leicester City.

Wesley Hoedt  oo xitaa lagu soo darin keydka kulankii arbacada iyadoo la heli karay ayaa sidoo kale la arkaa inuu soo laabto kulankan.

Ogeysiiska Ciyaarta:

Kulanka: Chelsea vs Southampton (Premier League)

Goobta: Stamford Bridge

Goorta: 6:00 Maqribnimo

Garsoorka: Roger East (England)

Kulamada Waji ka Wajiga:

Chelsea ayaa guul gaartay kulan kasta saddexdii kulan ee ugu dambeysay ay Premier League ku wajahdo Southampton tan iyo guul daradii 3-1 ay Stamford Bridge kala kulantay bishii October 2015.

Kooxda lagu naaneyso Saints ayaa hal kulan oo qura shabaqeeda ilaashatay 24-kii kulan ee ugu dambeeyay ay wajahdo Blues, bar baro goolal la’aan ah ay ku galeen Galbeedka London Boxing Day 2002.

Safafka Macquulka ah ee Chelsea vs Southampton:

Gool FM.

(England) 16 Dis 2017. Arsenal oo guul arkin labadii kulan ee ugu dambeysay Premier League ayaa mininkeeda ku marti qaadeysa Newcastle United.

Wararka Labada dhinac:

Arsenal ayaa waxaa weli ka sii maqnaan doona Aaron Ramsey iyo Theo Walcott, laakiin waxaa laga yaabaa inuu soo laabto Shkodran Mustafi oo ku maqnaa dhaawac muruqa ah.

Sead Kolasinac iyo Alexandre Lacazette ayaa lagu wadaa inay soo rogaal celiyaan kaddib markii la nasiyay kulankii dhawaa ee West Ham.

Xiddiga qadka dhexe ee Newcastle United Jonjo Shelvey ayaa ganaaxan kaddib kaarkii casaa uu qaatay kulankii Everton.

Aleksandar Mitrovic ayaa dhibaato dhabarka ah ku seegaya kulanka,halka uu dib u soo laaban doono Paul Dummett.

Ogeysiiska Ciyaarta:

Kulanka: Arsenal vs Newcastle United (Premier League)

Goobta: Emirates Stadium

Goorta: 6:00 Maqribnimo

Garsoorka: Stuart Attwell (England)

Kulamada Waji ka Wajiga:

Arsenal ayaa guul gaartay sagaal kulan oo xiriir ah Premier League ay wajahdo Newcastle iyadoona ka dhalisay 22-gool halka laga dhaliyay lix gool oo qura.

Newcastle ayaa guul daro loo soo saarinayay shantii kulan ee ugu dambeysay ay booqato Arsenal iyadoo guushii ugu dambeysay ay ka gaarto Gunners ay ahayd 1-0 bishii November 2010.

Safafka Macquulka ah ee Arsenal vs Newcastle United:

Gool FM.

(Europe) 16 Dis 2017. Sidaan horey idin kugu balan qaadnay waxaan si joogta ah idin kugu soo gudbin doonaa wararkii ugu dambeeyay ay Jariiradaha ka qoreen xanta Suuqa kala iibsiga maadaama lagu dhow yahay Bisha Janaayo oo uu dib u furmayo Suuqa.

Haddaba Aqriso wararka xanta ay saakay oo Sabti ah wargeysyada ka qoreen Suuqa kala iibsiga:

Carlo Ancelotti ayaa dib ugu soo laaban doona Stamford Bridge iyadoona loo magacaabi doono tababaraha cusub ee Chelsea ka hor inta uusan bilaaban xilli ciyaareedka soo socda. (Daily Record)

Xiddiga garabka kaga ciyaara Monaco Thomas Lemar, 22-jir ayaa laga doonayaa Chelsea oo diyaarineysa dalab lacag iyo weeraryahankeeda Michy Batshuayi. (Daily Mirror)

Batshuayi 24-jir ayaa rajeynaya inuu amaah uga tago Chelsea bisha soo socota si uu u yareeyo cabsida inuu lumiyo booskiisa xulka Belgium ee koobka adduunka. (London Evening Standard)

Xiddiga qadka dhexe ee reer Armenia Henrikh Mkhitaryan 28-jir, ayaa waxaa shaxda Mancheter United ka saaray Jose Mourinho kaddib markii ay isku dheceen labadooda intii lagu guda jiray fadhi lagu falanqeynayay Muuqaal tababarka kooxda bishii la soo dhaafay. (ESPN)

Jose Mourinho ayaa u furan inuu saxiixyo ka sameeyo Suuqa bisha soo socota iyadoo ay jirto inuusan ka helin ama taageero u ahayn suuqa kala iibsiga Janaayo. (Daily Mail)

Arsenal ayaa wada hadalo qandaraas kordhin ah la furan doonto 25-jirkeeda qadka dhexe ee Jack Wilshere ka hor inta aysan bishu dhammaan. (London Evening Standard)

Gunners ayaa sideed laacib lumin karta xagaaga soo socda iyadoo uu Arsene Wenger si xoogan isugu diyaarinayo dib u habeyntii ugu wayneyd uu shaxdiisa ku sameeyo. (Daily Mirror)

Crystal Palace ayaa bartilmaameedsaneysa weeraryahanka Monaco 26 jir ee lagu qiimeeyay 10-ka milyan oo bound. (ESPN)

Liverpool iyo Tottenham ayaa loogu digay in 20-jirka garabka uga ciyaara Fiorentina Federico Chiesa uu ugu yaraan ugu kici doono 53 milyan oo bound. (La Stampa)

West Brom ayaa eeganeysa inay heshiis joogta ah kula soo saxiixato daafaca Ahmed Hegazi 26-jir marka uu furmo suuqa kala iibsiga. (Birmingham Mail)

21-jirka qadka dhexe Liverpool Marko Grujic ayaa waxaa Janaayo amaah ku wada doonaya Brighton iyo Aston Villa. (Liverpool Echo)

W/D: Abdisamed Mohamed Hassan (Black Yare)

Gool FM.

(England) 16 Dis 2017. Waxaa la yiri ‘Nimaan Talin jirin hadduu Taliyo, Nimaan tagi jirin baa taga’.

John Cena ee ku caanka ah ciyaaraha WWE ama waxaad ugu yeertaan Musaaricada ayaa saadaaliyay kulamada la ciyaarayo maanta iyo berito ee horyaalka Premier League.

Sadaashiisa yaabka leh ayaa waxay ahayd in laduban doono Arsenal iyo Chelsea oo gurigooda ku ciyaaraya misane aan wajaheyn kooxo khatar badan leh.

Kulamada Maanta ee Premier League iyo Saadaasha Cena:

Arsenal vs Newcastle United: Gunners ayaa looga adkaan doonaa gool madi ah.

Chelsea vs Southampton: Blues oo beydkeeda joogta ayaa looga badin doonaa 2-0.

Manchester City vs Tottenham: Kulanka la wada sugayo caawa ayuu Cena saadaaliyay in wiilasha laga adkaan la’yahay looga badin doono 1-0 iyagoo waliba mininkooda ku ciyaaraya.

Kulamada Berito iyo saadaasha Cena:

West Brom vs Manchester United: Xarfaanta Jose ayaa ku adkaan doonta gool caato ah sida uu saadaaliyay Cena.

Bournemouth vs Liverpool: Wiilasha Jurgen Klopp ayaa ku badin doona 1-0.

Gool FM.

(Madrid) 16 Dis 2017. Tababare Zidane ayaa wareysigiisa kulanka caawa ee Final ka Club World Cup si kal iyo laab ah ugu difaacay Karim Benzema kaa oo dhaleeceyn joogta ah la kulmayay xilli ciyaareedkan kaddib qaab ciyaareed liita uu ku bilowday.

“Kuma raacsani dhaleeceymaha Benzema,” Zidane ayaa sidaa yiri.

“Waxa i xiiso galinaya ma ahan uun goolashiisa.

“Benzema waa nooc ka duwan ciyaartoyda, makuu dhalinayo 50-gool xilli ciyaareedkii, balse wuxuu leeyahay tayooyin kale oo badan.

“Waan ka helaa waxa uu Benzema u sameeyo kooxda, waa mid ka mid ah kuwa ugu fiican kooxda, ciyaar wadareedka kooxdana in badan ayaan qiimeeyaa midaa.

“Ilaa aan ka dhimanayo ayaan difaaci doonaa Benzema.”.

Gool FM.

(Europe) 16 Dis 2017. Ronaldo ayaa caawa Real ka caawiyay inay ku guuleysato Club World Cup kaddib markii uu dhaliyay goolka qura ay kaga adkaadeen Gremio.

Xiddiga reer Portugal ayaa uga dhigan midan inuu ku guuleystay Koobkan markiisii afaraad.

2008 uu kula soo guuleystay Manchester United, 2014, 2016 iyo 2017 uu la qaaday Real Madrid.

Kooxda Barcelona ayaa ku guuleysatay koobkan saddex Jeer oo qura taa oo ka dhigan in Ronaldo uu far dheeryahay camaaliqada reer Spain.

Kubbad qaabeeyaha Real Madrid Toni Kroos aya sidoo kale isna 4-jeer ku guuleystay koobkan.

Gool FM.

(England) 17 Dis 2017. Manchester United ayaa eeganeysa inay gaarto guusheedii saddexaad oo xiriir ah kulamada bannaanka ee Premier League.

Wararka Labada dhinac:

West Brom ayaa xoog ka heli karta soo laabashada Matt Phillips iyo Gareth Barry kuwaa oo ku maqnaa dhaawac muruqa iyo bowdada ah.

Yeelkeede, waxaa ka maqnaan doona Nacer Chadli, Craig Dawson iyo James Morrison.

Daafaca Manchester United Eric Bailly ayaa ilaa saddex bilood ku maqnaan doona dhaawac jilibka ah.

Paul Pogba ayaa isna kulankii ugu dambeeyay ganaax ku maqnaan doona halka Marcos Rojo iyo Marouane Fellaini ay labaduba ku lug lahaan karaan kulanka kaddib dhaawacyadoodii madaxa iyo jilibka.

Ogeysiiska Ciyaarta:

Kulanka: West Brom vs Man United (Premier League)

Goobta: The Hawthorns

Goorta: 5:15 Galabnimo

Garsoorka: Anthony Taylor (England)

Kulamada Fool ka Foolka:

West Brom ayaa guul darreysatay sideed ka mid ah 11 kulan oo Premier League ay garoonkeeda kula ciyaartay Manchester United, guusha kaliya ay ka gaartay ayaa imaaneysa bishii Maarso ee sanadii la soo dhaafay.

Yeelkeede, Albion ayaa guuleysatay saddex ka mid ah sideeda kulan ee horyaalka ee Home iyo Away tan iyo markii uu ciyaaraha ka fariistay Sir Alex Ferguson (3-guul, 2 bar baro iyo 3-guul darro)

Man United iyo West Brom ayaa bar-baro 5-5 ku galay Hawthorns bishii May ee 2013, kulankii 1500-aad ee Ferguson iyo kulankiisii ugu dambeeyay ee xilka tababaranimo.

Romelu Lukaku ayaa kulankaa saddexleey u dhaliyay West Brom, balse maanta wuxuu ku jiraa safka Man United.

Safafka Macquulka ah ee West Brom vs Manchester United:

Gool FM.

(England) 17 Dis 2017. Liverpool ayaa eeganeysa inay sii wadato Rikoodhkeeda inaan laga badin sideedii kulan ee ugu dambeeyay Premier League.

Wararka Labada dhinac:

Tyrone Mings iyo Adam Federici ayaa Bournemouth uga maqnaan doona dhibaatooyin dhabarka ah halka Brad Smith uu markale ku maqnaan doono dhaawac misigta ah.

Steve Cook iyo  Harry Arter ayaa hal jaale u jira kulan ganaax ah.

Goolhaye Simon Mignolet ayaa dib ugu soo laaban doona Liverpool kaddib markii uu dhaawac canqowga ah ku seegay kulankii West Brom.

Reds ayaa heysata liis dheer oo dhaawacyo ah, waxaa sidoo kale ganaax uga maqnaan doona Emre Can,laakiin Adam Lallana iyo Daniel Sturridge ayaa kulanka ku lug lahaan kara.

Ogeysiiska Ciyaarta:

Kulanka: Bournemouth vs Liverpool (Premier League)

Goobta: Vitality Stadium

Goorta: 7:30 Habeenimo

Garsoorka: Andre Marriner (England)

Kulamada Fool ka Foolka:

Guushii Bournemouth ee 4-3  ay ka gaartay Liverpool 12 bilood ka hor ayaa ah guusha kaliya 11-kulan ay horyaalka iyo koobabka kale ee Ingiriiska ay ku wajahdo Liverpool (7-guul daro iyo 3-bar baro)

Labadii kulan ay iswajaheen xilli ciyaareedkii la soo dhaafay ayay iska dhaliyeen 11-gool. Kaliya kulanka Crystal Palace iyo Swansea (12) ayaa ka goolal badnaa 2016-17.

Safafka Macquulka ah ee Bournemouth vs Liverpool:

Gool FM.

(Spain) 17 Dis 2017. Barcelona ayaa guul u dadaali doonta si ay uga fogaato Atletico Madrid oo saddex dhibcood u soo jirsatay kaddib guushii ay xalay gaartay.

Wararka Labada Dhinac:

Thomas Vermaelen ayaa ka sii ciyaari doona daafaca dhexe ee Barcelona maadaama uu dhaawac waqti dheer ah ku maqan yahay Samuel Umtiti.

Andres Iniesta ayaa taam u noqon kara kulanka kaddib markii uu seegay kulankii dhawaa.

Paulinho ayaa sii wadan doona shaqada adag uu ka hayo qadka dhexe si uu u caawiyo labada weerarka.

Fede Cartabia ayaa dhowr bilood dhibaato dhaawac uga maqnaan doona Deportivo.

Carles Gil ayaa ka sii ciyaari doona garabkiisa Midig halka Emre Colak uu ka ciyaari doono No.10.

Fernando Navarro ayaa loo doorbidi doonaa garabka bidix ee daafaca halka Ruben Martinez uu shabaqa u ilaalin doono kooxda martida ah.

Ogeysiiska Ciyaarta:

Kulanka: Barcelona vs Deportivo La Coruna (La Liga)

Goobta: Nou Camp

Goorta: 10:45 Habeenimo

Kulamada Fool ka Foolka:

Barcelona ayaa guul gaartay 22ka mid ah 44 kulan ay la ciyaartray Deportivo.

Yeelkeede, Deportivo La Coruna ayaa ka yaabsatay Blaugrana kulankoodii ugu dambeeyay markii ay 2-1 uga adkaatay Bishii Maarso ee sanadkan mar lagu ciyaaray Riazor.

Barcelona ayaa 4-0 ku adkaatay kulankii ugu dambeeyay ee lagu ciyaaro Camp Nou.

Safafka Macquulka ah ee Barcelona vs Deportivo:

Gool FM.

(Abu Dhabi) 17 Dis 2017.  Real Madrid ayaa xalay loo caleemo saaray Koobka kooxaha adduunka kaddib markii ay 1-0 ku martay Gremio.

Ronaldo ayaa dhaliyay goolka ay koobka ku qaadeen isagoona sidoo kale shabaqa tagay kulankii Semi Final ka ay ka soo adkaadeen Al-Jazira.

Waxaa la filayay inuu qaadan doono abaal marinta laacibka ugu fiican tartanka balse waxaa loo gacan galiyay Luca Modric oo dhabtii wacdaro ka dhigay labadii kulan ay Los Blancos ciyaartay.

Xiddiga reer Croatia ayaa loo magacaabay Man of The Match ciyaartii Semi Finalka isagoona sidoo kale bandhig wacan ka dhigay ciyaartii xalay ee Final ka.

Ronaldo oo loo magacaabay xiddiga garoonka ee ciyaartii kama dambeysta ayaa sidoo kale helay abaal marinta Qalinka ee laacibka labaad ee ugu fiicnaa tartanka.

Waxaana kaalinta saddexaad soo galay xiddiga reer Uruguay ee garabka weerarka kaga ciyaara naadiga reer Mexico C.F. Pachuca ee  Jonathan Urretaviscaya.

Gool FM.

(Madrid) 17 Dis 2017. Ra’iisul Wasaaraha Spain ayaa hambalyo u soo diray Real Madrid kaddib markii ay xalay ku guuleysatay koobka Kooxaha Adduunka.

Free Kick uu Ronaldo ka dhaliyay Gremio ayaa Los Blancos ka caawiyay inay hanato Club World Cup isla markaana 5-koob gaarsiiso Koobabka ay ku guuleysatay sanadka 2017.

Ra’iisul Wasaare Mariano Rajoy oo Twitter ka ugu soo hambalyeeyay kooxda uu horkoco Zidane ayaa soo qoray:

“Sharaf ayay ii tahay in kooxda ugu fiican kubbada cagta Adduunka ay Spanish tahay.

“Waxaan Real Madrid iyo shaxdeeda ugu hambalyeenayaa ku guuleysiga Club World Cup.”.

Felicito al @realmadrid y a su afición por alzar el título del Mundial de Clubes. Orgulloso de que el mejor equipo de fútbol del mundo sea español. MR pic.twitter.com/8QdroN84qm

— Mariano Rajoy Brey (@marianorajoy) December 16, 2017

Gool FM.

(Spain) 19 Dis 2017. Indhaha Caalamka oo idil ayaa markale ku foorara Barcelona kulanka El Clasico ay 23-ka bishan la yeelan doonto Real Madrid, haddii ay Salaan Sharafeed u sameyn doonto cadowgeeda iyo haddii kale maadaama ay kooxdu ku soo guuleysatay koobka Kooxaha Adduunka.

Kal ciyaareedkii la soo dhaafay, Lionel Messi iyo xarfaantiisa ayaa go’aansaday oo iska diiday inay salaan Sharafeed u sameeyaan Los Blancos oo ku soo guuleysatay  Club World Cup oo lagu qabtay Japan iyagoona isla kulankii xigay Camp Nou kula ciyaaray Barcelona.

Sidoo kale Barcelona ayaa diiday inay u sacbo tumaan Real Madrid oo ku soo guuleysatay UEFA Super Cup mar ay bishii August ku wajaheen koobka Supercopa de Espana, inkastoo ay taa noqon lahayd mid aan caadi ahayn.

Valencia ayaa safaf galay oo u sacbo tumay Real Madrid bishii Janaayo ee 2015. Halka Real Betis ay sidaa oo kale u sameysay Barcelona sanadkii xigay.

isku soo wada duuboo, Barcelona ayaa looga fadhiyaa inay sabtida Salaan sharafeed u sameyso Real Madrid maadaama ay ku soo guuleysteen Club World Cup, haddii ay iska indho tiraana ma noqon doonto wax cusub maadama ay sidaa oo kale sameeyeen xilli ciyaareedkii la soo dhaafay.

Gool FM.

(Europe) 17 Dis 2017. Sidaan horey idin kugu balan qaadnay waxaan si joogta ah idin kugu soo gudbin doonaa wararkii ugu dambeeyay ay Jariiradaha ka qoreen xanta Suuqa kala iibsiga maadaama lagu dhow yahay Bisha Janaayo oo uu dib u furmayo Suuqa.

Haddaba Aqriso wararka xanta ay saakay oo Axad ah wargeysyada ka qoreen Suuqa kala iibsiga:

Manchester United ayaa diyaar u ah inay Old Trafford dib ugu soo celiso Jonny Evans, labo sano iyo bar kaddib markii ay 29-jirka ka iibiyeen West Brom, laakiin Manchester City iyo Arsenal ayaa sidoo kale xiiseynaya. (Mirror)

West Brom ayaa diyaar u ah inay dalab kama dambeys oo qandaraas kordhin ah u soo bandhigto Evans si ay isaga caabiso kooxaha kale ee doonaya.  (Telegraph)

Jurgen Klopp ayaa u sheegay Daniel Sturridge inuu heshiis amaah ah kooxda uga tagi karo Janaayo iyadoo uu 28-jirka reer England uu eeganayo sidii uu u bad-baadsan lahaa booskiisa Koobka Adduunka. (Sun)

Tababaraha Liverpool Jurgen Klopp ayaa meesha ka saaray suurogalnimada uu Janaayo ugu soo biiri karo kooxda xiddiga qadka dhexe RB Leipzig ee Naby Keita. (Daily Star)

Sidoo kale macallinka ayaa qiray in waaxda wax u soo indho indheysa kooxda ay cadaadis ku saareen heshiiskii uu kula soo saxiixanayay Maxamed Saalax, maadaama markii hore laga cabsi qabay inuu aad Caato u yahay inuu ku najaxo horyaalka xooga ku dhisan ee Premier League. (Daily Mail)

Macallinka Everton Sam Allardyce ayaa bartilmaameedsanaya inuu dib ula midoobo weeraryahanka Crystal Palace Christian Benteke 27-jir marka uu dib u furmo suuqa bisha soo socota. (Mirror)

Sam Allardyce ayay tahay inuu huro mid ka mid ah xiddigihiisa qadka dhexe waa haddii uu doonayo inay Everton la soo saxiixato laacibka Sevilla ee Steven Nzonzi, 29-jir. (Daily Star).

Inter Milan iyo Barcelona ayaa indho indheynaya xaalada 27-jirka daafaca kaga ciyaara Manchester United ee Daley Blind. (Calciomercato)

Arsenal iyo Chelsea ayaa ku loolami doona 20-jirka garabka kaga duula Bayer Leverkusen ee Leon Bailey. (Mirror)

Macallinka Manchester City Pep Guardiola ayaa diiday inuu meesha ka saaro inuu Janaayo u dhaqaaqo 28-jirka weerarka kaga ciyaara Arsenal ee Alexis Sanchez. (Sky Sports)

Macallinka West Ham David Moyes ayaa diyaar u ah inuu dalab 15 milyan oo bound ka gudbiyo xiddiga qadka dhexe Bournemouth ee Harry Arter, 27-jir. (Sun)

Macallinka Chelsea Antonio Conte ayaa u soo ifbaxay sida musharixii u dambeeyay ee xilka Real Madrid ka badelaya Zidane kaa oo heshiiskiisu dhacayo dhamamadka xilli ciyaareedka. (Sun)

Pep Guardiola ayaa u sheegay Man City inuu doonayo inuu saxiixyo ka sameeyo suuqa Janaayo kaddib markii uu kooxda waydiistay inay dhabar is-taagto iyadoo ay jirto qarashkii uu galay suuqii xagaaga. (Manchester Evening News)

W/D: Abdisamed Mohamed Hassan (Black Yare)

Gool FM.

(Abu Dhabi) 17 Dis 2017. Cristiano Ronaldo ayaa dhaliyay goolka madiga ay Real Madrid xalay uga adkaatay Gremio ciyaartii Final ka ay ka qaadeen Koobka Kooxaha Adduunka.

Xiddiga reer Portugal ayaa markii uu goolka dhaliyay u cararay dhanka keydleyda Real Madrid isagoona baadi goobayay Lucas Vazquez oo ay isla dabaal degeen.

Ma caddeyn sababta ilaa uu markii dambe sharaxay xiddiga reer Spain ciyaarta kaddib.

“Waxaan Ronaldo u sheegay inuu dhalin doono,” Vazquez ayaa ciyaarta kaddib sidaa u sheegay saxaafada.

“Taasina waa sababta uu dhankeyga ugu soo orday.”.

Gool FM.

(Europe) 17 Dis 2017. Ronaldo ayaa Barcelona ka dalbaya arrin ay malaha ku adag tahay inay sameeyaan amaba ay dhibsanayaan kaddib markii ay xalay Real Madrid ku guuleysatay Club World Cup.

Xiddiga reer Portugal oo dhaliyay goolka ay koobka ku qaadeen ayaa ka dhawaajiyay ciyaarta kaddib inuu jeclaan lahaa in Barcelona ay kooxdiisa u sameyso Salaan Sharafeed marka ay sabtida isku wajahayaan La Liga kulanka la magaca baxay El Clasico.

“Way fiicnaan lahayd waxaana jeclaan lahaa in Barcelona ay salaan sharafeed noo sameyso,’ Cr7 ayaa ciyaarta kaddib sidaa u sheegay saxaafada.

“Waxaan kaloo rajeynayaa inaan kulanka guuleysano si uu tartanka horyaalka weli ugu sii noolaado Real Madrid.

Ronaldo ayaa sidoo kale wareygisiiga ciyaarta kaddib ku yiri:

“Waan faraxsanahay waxaan dhaliyay goolka. Aadaan u faraxsanahay.

“waxaan qaadanayaa xilli ciyaareed wayn.

“Real Madrid sanad gudihiis marna kuma guuleysan 5-koob, waa Rikoodh midaas ayaana rabnay.

Gool FM.

(Muqdisho) 17 Dis 2017. Tartanka Maamul Gobleedyada Soomaaliya ayaa isla soo gaaray meel xiiso leh oo waxaa la gaaray wareega afar dhammaadka.

Banaadir iyo Jubbaland ayaa ka soo baxay Group A halka kooxda xafidaneysa tartankan ee Puntland iyo Koofur Galbeed ay ka soo bexeen Group B.

Beri iyo Beri dambe ayaa la kala ciyaari doonaa kulamada Semi Final ka.

Puntland iyo Benaadir ayaa berito isku qaban doona Koonis kulan xiiso badan oo aad looga dharsugayo.

Labadan koox ayaa sanadkii hore isku soo arkay wareega Group yada ee tartankan waxayna ku kala bexeen bar baro 2-2.

Koofur Galbeed iyo Jubbaland ayaa iyana ciyaari doona Talaadada.

Labada Koox ee soo gudubta ayaa Final ka wada ciyaari doona Jimcaha hadduu eebe Idmo.

Gool FM.