(Madrid) 30 Okt 2018. Real Madrid oo awalba la ciir ciireysay dhibaato dhanka dhaawaca ayaa waxaa iminka soo wajahday mid horleh kaddib markii la xaqiijiyay in Raphael Varane uu garoomada ka maqnaan doono muddo saddex usbuuc ah.
Los Blancos ayaa dhawaan ceyrisay macallinkeeda Julen Lopetegui iyadoona xilka si ku meel gaar ah ugu sii dhiibatay Solari oo macalin u ahaa Real Madrid Castilla.
Solari ayaa durba culeys badan dareemi doona maadaama ay kooxda horey dhaawacyo uga maqnaayeen Dani Carvajal, Jesus Vallejo iyo Marcelo, iminkana uu soo dhul dhacay daafaca reer France.
Varane ayaa waxaa gaaray dhaawac muruqa lugta midig ah waxaana la badelay qeybta labaad ee kulankii El Calsico ee sida wayn loogu bahdilay Real Madrid.
Gool FM.