(Uruguay) 22 Juunyo 2017. Luis Suarez ayaa oohin jabsaday kaddib markii uu dib ugu laabtay markii ugu horreysay garoonkii uu ku soo bilaabay kubbada cagta ee ku yaala dalkiisa hooyo ee Uruguay.
Dhaliyaha Barcelona iyo reerkiisa ayaa dib ugu laabtay oo booqday kooxdiisii ugu horreysay ee Nacional halkaa oo garoon mac-mal ah oo laga furay loogu magac daray Luis Suarez.
Waxaa la arkayay laacibka oo ilmeenaya mar uu ka hadlayay xafladii lagu furayay garoonka loogu magac daray ee Luis Alberto Suarez pitch kaa oo ku yaala Montevideo.
“Dareenku waa qiiro iyo farxad,” Suarez ayaa sidaa ku yiri dadkii soo xaadiray goobta.
“Waqti dheer ma aan imaan karin halkan, qofkasta wuu fahmi doonaa maxaa yeelay arrinka la xiriira kalandarka taa oo ay adag tahay in heshiis laga gaaro.
“Waxaan doonay in caruurteyda ay arkaan halkaan ka imid, halka aan ku dhashay sida laacib kubbada cagta ah.”.
SAWIRRO:
Gool FM.