(Muqdisho) 06 Sebt 2018. Degmooyinka Boondheere iyo Howl-wadaag ayaa xaqiijiyay booskooda wareeg-da 8-da tartanka kubadda cagta degmooyinka Gobolka Banaadir kadib markii ay guulo ka gaareen degmooyinka Kaaraan iyo Deyniile.
Kulanka boondheere iyo Kaaraan oo ka dhacay garaoonka Banaadir waxaa daawashadiisa kasoo qayb gayb galay, Ra’iisul wasaaraha dalka Xasan Cali Kheyre, Wasiirka Wasaarada dhallinyarda iyo Isboortiga Khadiijo Maxamed Diiriyie, Masuuliyiinta Gobolka Banaadir, Madaxda xiriirkakubadda cagta iyo taageerayaasha labada degmo oo si wayn usoo camiray garoonka.
Labada koox ayaa garoonka kusoo bandhigay ciyaar aad usoo jiidatay madaxda iyo dadwaynihi garoonka ku sugnaa, waxaan daqiiqadi 10’aad hogaanka ciyaarta la wareegtay Boondheere waxaana u saxiixay laacibka No-12 oo daqiiqadi 10-aad dhaliyay.
Kaaraan oo ku gacan saraysay gacan ku hanta kubadda iyo weerarkaba ayaa soo barbaraysay daqiiqadi 59 ee ciyaarta waxaana u dhaliyay laacibna No-17 Cabdinaasir Aways Cabdi, waxaana waqtigii loogu talo galay ay ciyaarta kusoo idlaatay 1-1.
Sida uu sharciga qabo waxaa loo tuuray bandhiyoo nasiib lagu kala saarayo maadaama ay Howl-wadaag 2-0 uga adkaatay Deyniile isla markaana 5 dhibcood kaalinta koowaad ugu soo baxday kaaraan iyo Boondheere ay ku dhamaysteen min 3 dhibcood qaybkastana ka simman, waxaan nasiibka saaciday Boondheere oo sidaa ugu gudubtay wareegga rubuc-dhammaadka tartanka kubadda cagta degmooyinka.
Degmooyinka Howl-wadaag iyo Boondheere ayaa ku biiraya Shibis iyo Waaberi oo horay booskooda u xaqiijiyay , waxaana wali harsan afarti degmo ee kusoo biiri lahaa.
